Ang tanda ko na pala

'Yan, yan ang aking napag-isip-isip sa aking ika-19 na kaarawan. Naging napakasaya ng pagdiriwang ng naturang kaganapan ngayong taong ito dahil sa mga sumusunod na mga kadahilanan:
1. pagpatak ng ika-12 ng hatinggabi, kinantahan at tinulaan ako nina Papa, Mama at Ate Nadia, sabay handog ng kanilang mumunting cake
2. bumati si Chard sa aking ng maligayang bati sa puntong 11.58 ng gabi, ika-4 ng Agosto
3. walang klase sa Geography 1
4. nanlibre ako ng Goldilocks cake sa aking mga kasamahan sa organisasyong PMHS
5. kinantahan nila ako ng Happy Birthday
6. nasagot ko kung ano ang silbi ng tRNA sa Biology 140 (amino acids)
7. nakapagbonding kami ng aking buddy na si Kris (same outfit, kumain ng tigalawang stick ng quail eggs, at tinulungan siya sa ibang katanungang chismis sa kayang sigsheet, kasama na ang pagturo sa kanya ng ibang miyembro ng PMHS, binigyan ko pa nga siya ng aking schedule sa naturang semestre)
8. nilibre ko yung mga coursemates ko ng isang New York's Finest (18-inch) sa pamamagitan ng pagpapadala sa Yellow Cab nito sa Institute of Biology (Main Building)
9. lumabas kami ng aking pamilya tungong Gateway, ang bago at makabagong mall sa me Araneta Center upang panoorin ang gusto kong makita pelikulang The Eye: Infilinty. Isa siyang kwento ukol sa limang magkakaibigang sa una'y gustong makakita ng mga espiritu. Di kalaunan, nagkandaloko-loko ang kanilang mga buhay. At sa huli'y, puro na lamang sila nagsisisi sa kanilang pakikialam sa itim na mahika at panggagambala sa mga kaluluwa. Pareho siyang nakakatakot at nakatatawa. Panoorin niyo siya kung mayroon kayong libreng oras.
10. Nilibre kami niya Papa ng Junior Manok mula sa Mang Boks. Ang sarap!